Ўзбекистонда йўл ҳаракати хавфсизлигини бошқариш ягона марказлашган ахборот-компьютер тизими ташкил этилади
Тошкент. 13 июл. ЎзТАГ – Ўзбекистонда Тошкентдаги компьютер тизими кенгайтирилиши, Нукус ва бошқа вилоят марказларида ҳам компьютерлаштирилган жорий этилиши орқали билан йўл ҳаракати хавфсизлигини бошқаришнинг ягона марказлашган ахборот-компьютер тизими ташкил этилади, деб хабар беради Ўзбек телеграф агентлиги (ЎзТАГ).
Бу ҳақида президентнинг 11 июлдаги ПП-3127 сонли йўл ҳаракати хавфсизлигини таъминлаш тизимини янада такомиллаштириш тўғрисидаги қарорида айтиб ўтилган.
Хужжатда йўл-патрул хизмати муқим постларини оптималлаштириш, реконструкция, модернизация ва моддий-техник жиҳозлаш орқали автомобиль ҳаракатини самарали назорат қилиш, қоидабузарликларни ўз вақтида аниқлаш кўзда тутилган.
Йўл-патрул хизмати автомобиль техникасини янгилаш учун ҳар йили 55 автотранспорт воситасини харид қилиш ва жиҳозлаш, 600 назорат таёқчалари, 500 радиостанция ва бошқа алоқа воситаларини сотиб олиш режалаштирилмоқда.
Тажриба тариқасида Тошкент шаҳри, Самарқанд ва Хоразм вилоятларида мотоциклли йўл-патрул хизмати гуруҳлари ташкил этилади. Уларнинг зиммасига кўча ва йўлларнинг ўтиш қийин бўлган қатнов қисмлари, одамларнинг оммавий тўпланиш жойларида йўл ҳаракати хавфсизлигини таъминлаш, шунингдек хорижий ва бошқа делегацияларни кузатиш вазифаси юклатилади.
