Ўзбекистонда Ягона порталнинг янги версияси муҳокама қилинмоқда

Тошкент. 7 июн. ЎзТАГ – Ўзбекистонда Ягона интерактив давлат хизматлари порталининг янги версиясини яратиш масаласи муҳокама қилинмоқда, деб хабар беради Ўзбек телеграф агентлиги (ЎзТАГ).

“Электрон ҳукумат” марказида ушбу масала юзасидан Ахборот технологияларини ривожлантириш вазирлиги ва “LG СNS Uzbekistan” вакиллари иштирокида учрашув бўлиб ўтди.

Вазирликдан маълум қилишларича, унда “LG СNS Uzbekistan”нинг лойиҳа менежери Ким Де Ок тақдимот қилиб, компания томонидан Ягона порталнинг янги версиясини яратиш ва ва уни 2016-2017 йиллларда ишга тушириш босқичлари ҳақида сўзлаб берди.

Хусусан, у порталнинг янги версиясида мавжуд бўладиган қатор қулайликлар ҳақида, портал орқали давлат электрон хизматларига ҳақ тўлаш тизими ҳақида сўзлаб берди.

Йиғилиш якунида лойиҳанинг сўнгги босқичида транзакцион хизматларни жорий қилиш режалаштирилаётгани таъкидлаб ўтилди.