Ўзбекистонда яхмалакка қарши экологик хавфсиз восита ишлаб чиқилди
Тошкент. 3 август. ЎзТАГ – “Ўзавтойўл” ДАК таркибига кирувчи Автомобил йўллари илмий-тадқиқот институтида йўллардаги яхмалакка қарши экологик хавфсиз кимёвий реагент ишлаб чиқилди, деб хабар беради Ўзбек телеграф агентлиги (ЎзТАГ).
“Максам-Чирчиқ” АЖ билан ҳамкорликда ишлаб чиқилган яхмалакка қарши реагент, 2014 йилда Автомобил йўллари илмий-тадқиқот институтида лаборатория текширувларидан ўтказилди. Бевосита амалий текширув синовлари эса 2015 йилнинг 21 февралидан 10 мартигача Қамчиқ довонида, яъни А-373 “Тошкент-Ўш” автомобил йўлида олиб борилди”, – дейилади “Ўзавтойўл” ДАК матбуот хизмати хабарида.
Шунингдек, институт томонидан янги ихтирони республика автомобил йўлларида қўллаш учун “Методик қўлланмалар” ҳамишлаб чиқилган.
“Реагентнинг кимёвий таркиби карбамид, калтсий нитрати ва магнийдан иборат. У экологик жиҳатдан хавфсиз бўлиб, йўллардаги бетон қопламалар ва тўсиқларни емирмайди, шунингдек, қишги шароитларда ҳаракат хавфсизлигини таъминлашда муҳим аҳамият касб этади”, – деб аниқлаштирилади хабарда.
