Ўзбекистонда якка тартибдаги тадбиркорлар карталари орқали CLICK тизимидан фойдаланиши мумкин бўлди
Дата: 20:05, 26-05-2017.
Тошкент. 26 май. ЎзТАГ – Ўзбекистонда CLICK мобиль ва интернет банкинг тизими якка тартибдаги тадбиркорлар учун уларнинг пластик карталаридан товар ва хизматлар учун тўловларни амалга ошириш имкониятини яратди, деб хабар беради Ўзбек телеграф агентлиги (ЎзТАГ).
Тўлов тизими маълумотларига кўра, бу якка тартибдаги тадбиркорларга турли хизматларга ўз ишларидан чалғимаган ҳолда оператив ҳал қилиш имконини беради.
Қайд этиш зарурки, “Картадан картага ўтказиш” хизмати ҳозирча якка тартибдаги тадбиркорлар учун очилгани йўқ.
CLICK иловасини AppStore ва PlayStore онлайн дўконларидан юклаб олиш мумкин.
