Ўзбекистонда яна ҳаво совуйди

Тошкент. 24 январ. ЎзТАГ – 25 январда Ўзбекистонга яна совуқ тушади, деб хабар беради Ўзбек телеграф агентлиги (ЎзТАГ).

Ўзгидромет маълумотига кўра, агар бугун, 24 январда, ҳаво кундузи Тошкентда 13 даражагача исиса, эртага, 25 январда кундузи илиқ, кечаси эса 2 даражагача совуқ – 3 даража илиқ бўлади.

Синоптиклар тунда туман тушиши мумкинлигини ҳам айтишмоқда.

26-28 январда шарқдан эсган шамолнинг 17-22 м/сгача кучайиб, йўналишини шимолий-шарққа ўзгартириши кутилмоқда.

26 январда кечаси ҳароратнинг 2-7 даражагача пасайиши, кундузи 3-8 даража илиқ бўлиши кутилади.

27 январда совуқ кучаяди, кечаси 5-10 даражагача совуқ бўлади, кундузи 3 даража совуқ - 2 даража илиқ ўртасида. 28 январда кечаси 7-12 даража совуқ, кундузи 3 даража совуқ - 2 даража илиқ ўртасида бўлади.

Тошкентга яқин Тошкент, Самарқанд, Жиззах, Сирдарё вилоятлари бўйича прогноз ана шундай.

Қорақалпоғистонда ва Хоразм вилоятида янада совуқ бўлади. Бу ерда 26-28 январда шамолнинг 17-22 м/сгача кучайиши кутилади.

25 январда ҳарорат кечаси 0-5 даражагача совуқ, кундузи 3-8 даража илиқ, 26 январда кечаси 3-8 даражагача совуқ, кундузи 0-5 даража совуқ, 27 январда кечаси 10-15 даражагача совуқ, кундузи 2-7 даража совуқ; 28 январда кечаси 13-18 даражагача совуқ, кундузи 5-10 даража совуқ бўлади.

Мамлакатнинг бошқа ҳудудларида ҳам ҳаво совуйди.

Сурат манбаи: http://www.anons.uz/article/society/8061/