Ўзбекистонда янги Бандлик ва меҳнат муносабатлари вазири тайинланди
Тошкент. 9 август. ЎзТАГ – Ўзбекистонда янги Бандлик ва меҳнат муносабатлари вазири тайинланди, деб хабар беради Ўзбек телеграф агентлиги (ЎзТАГ) президент матбуот хизматига асосланган ҳолда.
“Ўзбекистон Республикаси президентининг 2017 йил 8 августдаги ПҚ-5141 сонли фармонига мувофиқ, Актам Аҳмадович Ҳаитов Ўзбекистон Республикаси Бандлик ва меҳнат муносабатлари вазири этиб тайинланди. Шу муносбат билан у Ўзбекистон стандартлаштириш, метрология ва сертификатлаштириш агентлиги бош директори лавозимидан озод этилди”, - дейилади чоршанба кунги хабарда.
У ушбу вазифада Азиз Абдуҳакимовнинг ўрнига келди.
Олдин хабар қилингани каби, А.Абдуҳакимов президент фармонига мувофиқ Туризмни ривожлантириш бўйича давлат қўмитаси раиси лавозимига тасдиқланган эди.
Эслатиб ўтамизки, 2017 йил майда президент республика Меҳнат вазирлигини Бандлик ва меҳнат муносабатлари вазирлигига айлантирган эди.
