Ўзбекистонда янги вазирликка раҳбар тайинланди
Тошкент. 5 феврал. ЎзТАГ – Ўзбекистонда собиқ бош вазир ўринбосари Алишер Султонов янгидан ташкил этилган энергетика вазирлигининг раҳбари этиб тайинланди, деб хабар беради Ўзбек телеграф агентлиги (ЎзТАГ).
Маҳаллий ОАВ маълумотларига кўра, Алишер Султонов бош вазир ўринбосари – Геология, ёқилғи-энергетика комплекси, кимё, нефть-кимё ва металлургия саноати масалалари комплекси раҳбари лавозимидан озод қилинди ва энергетика вазирлигининг раҳбари этиб тайинланди.
“Ўзбекистон Республикаси энергетика вазирлиги ташкил этилсин”, - дейилади президентнинг “Ўзбекистон Республикаси ёқилғи-энергетика тармоғини бошқариш тизимини тубдан такомиллаштириш чора-тадбирлари тўғрисида”ги қарорида.
Ҳужжатга мувофиқ, янги вазирлик ёқилғи-энергетика тармоғида ягона давлат сиёсатини ишлаб чиқиш ва амалга ошириш, республиканинг энергетика соҳасида ягона норматив-ҳуқуқий ва техник тартибга солишни амалга ошириш, ёқилғи-энергетика комплексини стратегик режалаштириш ва ривожлантиришнинг мувозанатли тизимини яратиш ва ривожлантириш, ёқилғи-энергетика тармоғининг инвестициявий жозибадорлигини ошириш, ёқилғи-энергетика тармоғида инвестиция лойиҳалари амалга оширилишини мувофиқлаштириш, корпоратив бошқарувнинг замонавий усулларини жорий этишда кўмаклашиш, нефть-газ ва электр энергетика тармоғи ташкилотларининг ишлаб чиқариш жараёнларига инновацион технологияларни жорий этишни рағбатлантириш кабилан билан шуғулланади.
Бундан ташқари, “Ўзбекэнерго”, “Ўзбекнефтегаз” ва “Ўзбекгидроэнерго”нинг энергетика соҳасидаги ваколатлари янги вазирликка берилади.
Эслатиб ўтамиз, янги вазирликнинг ташкил этилиши президентнинг 23 октябрдаги электроэнергетика тармоғини тезкор ривожлантириш ва барқарорлигини таъминлаш тўғрисидаги қарори билан белгиланган.
Сурат манбаи: http://review.uz
