Ўзбекистонда йил бошидан буён қарийб 8 млн киберҳужум аниқланди – Арипов
Тошкент. 23 октябрь. ЎзТАГ – Йил бошидан буён Ўзбекистонда 8 млнга яқин киберҳужумлар аниқланди, деб маълум қилди бош вазир Абдулла Арипов 22 октябрь куни Москвадаги (Россия) “Очиқ инновациялар” саккизинчи халқаро форумида, деб хабар беради Ўзбек телеграф агентлиги (ЎзТАГ) ОАВ маълумотларига таяниб.
"Ўзбекистонда, бошқа мамлакатларда бўлгани каби, киберҳужумлар сони, шу жумладан, давлат ахборот тизимлари сони ҳам кўпаймоқда. Фақат 2019 йил бошидан буён ахборот хавфсизлигида деярли 8 млнта воқеа аниқланди, уларнинг баъзилари жуда муҳим даражага эга эди", – деб маълум қилди бош вазир.
А. Ариповнинг сўзларига кўра, барча давлат институтлари хавфсиз маълумотлар узатиш тизимлари орқали электрон ахборот алмашинувини амалга ошира бошладилар.
"Қабул қилинган чора-тадбирлар глобал киберхавфсизлик индексида 40 позициясига кўтарилиб, 175 мамлакат ичида 52 ўринни эгаллаш имконини берди", – дея қўшимча қилди у.
Бундан ташқари, бош вазир ноябрь ойида Ўзбекистон БАА билан ҳамкорликда ахборот технологиялари (IT) соҳасида бир миллион дастурчиларни ўқитиш бўйича таълим дастурини ишга туширишини маълум қилди.
Сурат манбаи: iz.ru
