Ўзбекистонда йирик партиядаги наркотик моддалар қўлга туширилди
Тошкент. 10 май. ЎзТАГ – Ўзбекистон Миллий хавфсизлик хизмати ходимлари Бухоро вилоятида йирик партиядаги наркотик моддаларни қўлга туширдилар, деб хабар беради Ўзбек телеграф агентлиги (ЎзТАГ).
“Оператив ходимларда Нексия автомобили шубҳа уйғотди. Рулда Қорақалпоғистондаги Тўрткўл туманида яшовчи Тўрткўл-Тошкент-Тўрткўл йўналишида қатновчи 36 ёшли Отабек Аллабергенов бўлган машинани кўздан кечирилганида бензобакка ўрнатилган яширин жой аниқланди. Бу ерда 16 полиэтилен қадоқлар топилди. Экспертиза ўрамларда опий моддаси борлигини аниқлади. Олиб қўйилган наркотик моддаларнинг умумий оғирлиги 14 килограмм 465 граммни ташкил қилди”, - деб таъкидлади куч тизимидаги манба.
Қўлга олинган ҳайдовчининг сўзларига кўра, юк эгаси унга Тошкентга кетиш олдидан мурожаат қилган эркак бўлган. У наркотикларни Бухорога, кейин эса Беруний туманига олиб ўтишда кўмак беришни сўраган.
Бунинг эвазига қўлга олинган кишига 7 млн сўм ваъда қилинган.
Наркокурьерга нисбатан 246 моддаси 2 қисми бўйича (Контрабанда) ва 273 модда 5 қисми бўйича (Наркотик моддалар ёки психотроп моддаларни ноқонуний сотиб олиш, сақлаш, тайёрлаш ва бошқа ҳаракатлар) жиноят иши очилди.
$1 = 2904,68 сўм
