Ўзбекистонда ўз-ўзини ўлдиришга ундаганлик учун жазо қаттиқлаштирилди
Тошкент. 14 июн. ЎзТАГ – Ўзбекистонда ўз-ўзини ўлдиришга ундаганлик учун жазо қаттиқлаштирилди, деб ёзади ЎзТАГ.
“13 июнда Ўзбекистон Президенти Шавкат Мирзиёев Жиноят кодексига ўзини ўзи ўлдиришгача етказганлик ва ўз-ўзини ўлдиришга ундаганлик учун жазо қаттиқлашини кўзда тутувчи тузатишларни имзолади”, - дейилади Газета.uzнинг хабарида.
Таъкидланишича, ўзгартишларга мувофиқ, ўзини-ўзи ўлдиришгача олиб бориш, таҳдид қилиш, шафқатсиз муносабатда бўлиш ёки тизимли камситиш натижасида ўзини ўзи ўлдиришга суиқасд қилиш 3 йилдан 7 йилгача озодликдан маҳрум қилиш билан жазоланади.
Айбдорга моддий ва бошқа жиҳатдан боғлиқ бўлган, вояга етмаган ёки айбдорга нисбатан хомиладор бўлган шахсга нисбатан, олдиндан келишилган ҳолда бир гуруҳ шахслар томонидан телекоммуникация тармоқларидан фойдаланган ҳолда содир этилганда 7 йилдан 10 йилгача озодликдан маҳрум қилиш билан жазоланади.
Ўзини-ўзи ўлдиришга ундаганлик, яъни кўндириш, алдаш ёки бошқа йўл билан ўзга шахсда ўзини ўлдириш ҳиссини уйғотиш натижасида шахс ўзини ўлдирган ёки ўзини ўлдиришга қасд қилган бўлса, 2 йилдан 5 йилгача озодликни чеклаш ёхуд 5 йилгача озодликдан маҳрум қилиш билан жазоланиши назарда тутилмоқда.
Мазкур ҳаракатларни вояга етмаган шахсга ёки ҳомиладорлиги айбдорга аён бўлган аёлга нисбатан, бир гуруҳ шахслар томонидан олдиндан тил бириктириб ёки телекоммуникация тармоқлари, жумладан, интернет тармоғидан фойдаланиб содир этилса, 7 йилдан 10 йилгача озодликдан маҳрум қилиш билан жазоланиши белгиланмоқда.
