Ўзбекистонда Заргарлик саноати уюшмаси яратилади
Тошкент. 17 ноябр. ЎзТАГ – Ўзбекистонда “Ўзбекзаргарсаноати” Заргарлик саноати уюшмаси ташкил этилади, деб хабар беради Ўзбек телеграф агентлиги (ЎзТАГ) давлат раҳбари қарорига асосланган ҳолда.
“Уюшманинг асосий вазифалари орасида - Ўзбекистоннинг турли ҳудудларидаги заргарликнинг асрлик анъаналарини асраш ва янада ривожлантириш, ушбу саноатни ривожлантириш чора-тадбирларини амалга оширилишини мувофиқлаштириш, ягона илмий-техникавий, технологик, инвестиция ва экспорт сиёсатини изчил амалга ошириш кабилар бор” – дейилади ҳужжатда.
Уюшма Иқтисодий ривожлантириш, таркибий ўзгаришлар, инвестциялар, банк-молия тизимини ислоҳ қилиш, эркин иқтисодий ва кичик саноат зоналарини фаолиятини мувофиқлаштириш комплексига киради.
Ўзбекистон президенти янги ташкилотни 2021 йил 1 январгача импорт қилинадиган ускуналар, хомашё, материаллар, компонентлар ва мамлакатимизда ишлаб чиқарилмайдиган маҳсулотларни олиб келиш учун божхона тўловларидан озод этди.
Бундан ташқари, давлат раҳбари “Ўзбекзаргарсаноати”га келаси йил февралга қадар 2018-2020 йилларда заргарлик саноатида мавжуд чиқариш қувватларини модернизация қилиш ва янгиларини яратиш бўйича дастурни ишлаб чиқиш ва ҳукумат дастурига киритиш бўйича топшириқ берди.
