Ўзбекистонда жамоат жойларида чекиш ва спиртли ичимликлар ичиш учун жарималар жорий этилди
Тошкент. 31 декабр. ЎзТАГ - Ўзбекистонда жамоат жойларида чекиш ва спиртли ичимликлар ичиш учун жарималар жорий этилди, деб хабар беради Ўзбек телеграф агентлиги (ЎзТАГ).
Бу Маъмурий жавобгарлик тўғрисидаги кодексга киритилган ўзгартишлар орқали амалга оширилди.
Хужжатга мувофиқ, жамоат жойларида чекканлик учун энг кам иш ҳақи миқдорининг учдан бир қисми миқдорида жарима солинади. Худди шу миқдордаги жарима жамоат жойларида спиртли ичимликлар ичганлик учун ҳам жорий этилди.
Эндиликда иш жойлари, соғлиқни сақлаш, таълим ва спорт муассасалари, ёнғин хавфи мавжуд жойлар, жумладан, автомобилларга ёнилғи қуйиш шохобчалари ва бошқа жамоат масканларида тамаки маҳсулотларини чекканлик учун энг кам ойлик иш ҳақининг учдан бир қисми миқдоридаги жарима белгиланади.
Самолётда чекиш учун энг кам иш ҳақи миқдорининг икки баравари миқдорида жарима солинади.
Эслатиб ўтамизки, 2015 йилнинг 1 сентябридан бошлаб энг кам иш ҳақи миқдори 130,24 минг сўм қилиб белгиланган.
