Ўзбекистонда жиноий ишларни электрон шаклда кўриб чиқиш синовдан ўтказилади
Тошкент. 16 май. ЎзТАГ – Ўзбекистонда жиноий ишларни электрон шаклда кўриб чиқиш синовдан ўтказилади, деб хабар беради Ўзбек телеграф агентлиги (ЎзТАГ).
“2018 йил 1 декабрга қадар Тошкент шаҳрининг Яккасарой ва Миробод туманларида “Электрон жиноят иши” дастлабки лойиҳаси (кейинги ўринларда – дастлабки лойиҳа) амалга киритилсин”, - дейилади Ўзбекистон президентининг “Жиноят ва жиноят-процессуал қонунчилиги тизимини тубдан такомиллаштириш чора-тадбирлари тўғрисида”ги қарори матнида.
2019 йил 1 октябрга қадар дастлабки лойиҳанинг синовлари натижаларидан келиб чиқиб, жиноят ишлари бўйича электрон иш юритуви жорий қилиниши муносабати билан жиноят ва жиноят-процессуал қонунчилигини такомиллаштириш бўйича таклифлар киритиш режалаштирилмоқда.
2019 йил 1 декабрга қадар ушбу қарор билан тасдиқланган Ўзбекистон Республикасининг Жиноят ва жиноят-процессуал қонунчилигини такомиллаштириш концепцияси асосида Жиноят кодекси ва Жиноят-процессуал кодексининг янги таҳрирдаги лойиҳаларини киритилади.
Сурат манбаи: http://infocom.uz/2018/05/10/v-uzbekistane-realizuetsya-pilotnyj-proekt-elektronnoe-ugolovnoe-delo/
