Ўзбекистонда жисмоний шахсларнинг барча солиқларини бирлаштириш таклиф қилинди

Тошкент. 28 март. ЎзТАГ – Ўзбекистонда жисмоний шахсларнинг барча солиқларини бирлаштириш таклиф қилинди, деб хабар беради Ўзбек телеграф агентлиги (ЎзТАГ).

Бу 2018-2021 йилларда Ўзбекистон Республикасида Солиқ ислоҳоти концепцияси билан кўзда тутилган бўлиб, ҳужжат норматив ҳуқуқий ҳужжатлар муҳокамаси порталида муҳокама учун чоп этилди. Концепция 2017-2021 йилларда Ўзбекистонни ривожлантиришнинг беш устувор йўналиши бўйича стратегияга мувофиқ ишлаб чиқилган.

Жумладан, мамлакатнинг янги солиқ кодексида фуқароларнинг ягона ижтимоий тўлови ва Ўзбекистон Республикаси Молия вазирлиги қошидаги Бюджетдан ташқари пенсия фондига бадаллларини жисмоний шахсларнинг даромадларига солинадиган ягона солиққа бирлаштириш ва уни ўзгармас шкалада 25% қилиб белгилаш кўзда тутилмоқда.

Эслатиб ўтамизки, давлат раҳбарининг топшириғига мувофиқ, янги солиқ кодекси 2018 йил 1 июлга қабул қилиниши зарур.

Сурат манбаи: http://samarqandqxk.uz/en/description-of-the-meeting-of-the-supervisory-board/