Ўзбекистонда жума кунини “Машиналарсиз кун” деб эълон қилиш таклиф қилинди
Тошкент. 11 апрел. ЎзТАГ – Ўзбекистонда жума кунини “Машиналарсиз кун” деб эълон қилиш таклиф қилинди, деб хабар беради Ўзбек телеграф агентлиги (ЎзТАГ) маллий ОАВга таянган ҳолда.
Бу шу кунларда қонун ҳужжатларини муҳокама қилиш порталида кўриб чиқилаётган “2018-2022 йилларга мўлжалланган йўл ҳаракати хавфсизлиги концепцияси”да кўзда тутилган. Мазкур акция жамиятга автомобилларнинг ҳаддан ортиқ кўпайиши инсоният ва табиятга зарар келтириши ҳақида эслатишга қаратилган.
Концепцияга мувофиқ, ҳар жума куни мамлакатнинг йирик шаҳарларида аҳоли тарафидан автотранспорт воситаларидан фойдаланишни камайтириш, соғлов турмуш тарзини тарғиб қилиш, велосипедда юришни оммалаштиришга қаратилган тадбирлар уюштирилади.
Эслатиб ўтамизки, автомашиналарсиз кун илк марта 1973 йилда Швейцарияда ўтказилган бўлиб, кейинчалик бунга бошқа европа мамлакатлари ҳам қўшилганлар. Миллий даражада бундай акция Буюк Британияда 1997 йилда ўтказилган. Тахминий маълумотларга кўра, ҳар йили дунё миқёсида ўтказиладиган “Машиналарсиз кун”да 100 млндан зиёд киши қатнашади.
Сурат манбаи: http://novo-sibirsk.ru/news/101250/
