Ўзбекистондаги асосий нефтгаз маҳсулотлари сотувчи компания иккинчи чоракда 2,61 млрд топди
Дата: 11:47, 25-08-2014.
Тошкент. 25 август. ЎзТАГ – Нефт маҳсулотлари ва суюлтирилган газ ишлаб чиқариш ва сотиш билан шуғулланувчи “Ўзнефтмаҳсулот” Акционерлик компанияси 2014 йилнинг иккинчи чорагида маҳсулот сотишдан 2,61 млрд сўм ишлади, дея хабар қилади Ўзбек телеграф агентлиги (ЎзТАГ).
2013 йилнинг иккинчи чораги якунларига солиштирганда кўрсаткичлар 15,4% ўсди, дейилади компаниянинг яқинда эълон қилинган молия ҳисоботида.
Нефт маҳсулотлари ишлаб чиқарувчининг ялпи фойдаси миқдори 362,87 млн сўмни ташкил қилди ва 2013 йилнинг иккинчи чорагидагига қараганда 35,3% ўсди.
2014 йилнинг иккинчи чорагида “Ўзнефтмаҳсулот” 98,63 млн сўм миқдорда соф фойда олди.
Эслатиб ўтамизки, 2013 йилнинг иккинчи чорагини компания 59,6 млн сўм зарар билан ёпган эди.
$1 = 2344,38 сўм.
