Ўзбекистондаги “Қайрағоч” конидаги янги олтин рудник ОТМКнинг ишлаб чиқариш мажмуига киритилди

Тошкент. 30 январ. ЎзТАГ – “Олмалиқ тоғ-металлургия комбинати” ОАЖ (ОТМК) Тошкент вилоятидаги “Қайрағоч” олтин конидаги рудник қурилиши ишларини якунлади, деб хабар қилди Қозоқ телеграф агентлигига (КазТАГ) корхона вакили.

“Шахта қурувчилар январда янги ўраларни эксплуатацияга топширдилар. Эндиликда бу ерда янги “Қайрағоч” участкаси пайдо бўлди. Бу ердан олинган биринчи олтин рудалари ОТМКнинг олтин ажратиб олиш фабрикасига қайта ишлашга топширилди”, - деб аниқлаштирди жума куни комбинат вакили.

Қиймати $30,6 млнлик лойиҳа қуввати йилига 80 минг тонна рудага тенг бўлган ер ости рудниги қуришни кўзда тутади. Лойиҳани молиялаштириш ўзбек банкларининг $13,2 млнлик кредитлари ва Ўзбекистон Тикланиш ва тараққиёт жамғармасининг $6,7 млнлик маблағи ҳамда ОТМКнинг $10,7 млнлик ўз маблағлари ҳисобига амалга оширилди.

ОТМК Ўзбекистондаги ягона мис ишлаб чиқурувчи ҳисобланади. Корхона ҳиссасига мамлакатда ишлаб чиқариладиган кумушнинг 90% атрофидаги ва олтиннинг 20% тўғри келади. Эксперт баҳоларига кўра, Ўзбекистонда йилига 90 тоннадан ошиқ тилла қазиб олинади.