Ўзбекистондаги энг йирик цемент ишлаб чиқарувчи 2013 йил якунлари бўйича 127,8 млрд сўм миқдорда фойда олди

Тошкент. 11 июл. ЎзТАГ – “Оҳангаронцемент” ОАЖ 2013 йил якунлари бўйича 127,8 млрд сўм миқдорда ($55,085 млн) фойда олди, дея хабар беради Ўзбек телеграф агентлиги (ЎзТАГ).
Яқинда ўтказилган акционерлар йиғилишида 2013 йил якунлар бўйича дивидендлар тўламаслик тўғрисида қарор қабул қилинди.
Шунингдек, акционерлар жамият низомининг янги таҳририни ҳам тасдиқладилар. Янги таҳрирда аудиторлик текшируви, уни ўтказувчи ташкилотни танлаш ва улар хизмат ҳақи миқдорларини белгилаш ваколатлари акционерлар йиғилишидан олиб, Кузатув кенгашига берилди.
“Оҳангаронцемент” ОАЖ – Ўзбекистондаги энг йирик цемент ишлаб чиқарувчи бўлиб, мамлакат ички бозорининг учдан бир қисмини эгаллайди. Корхона қуввати йилига 1,986 млн тонна цемент ишлаб чиқаришга етади. Компания EUROCEMENT Holding AG ширкатига тегишли бўлиб, у корхонанинг 83,98% акциясига эга.