Ўзбекистондаги “Халқ банки” мижозларига мажбурий равишда лотерея чипталари сотилган

Тошкент. 8 феврал. ЎзТАГ – Ўзбекистондаги мамлакатдаги энг йирик “Халқ банки” мижозлари лотерея чипталарини сотиб олишга мажбурлангани ошкор бўлди, деб хабар беради Ўзбек телеграф агентлиги (ЎзТАГ) мамлакат Адлия вазирлигига таянган ҳолда.

Вазирликнинг расмий Telegram-каналида маълум қилинишича, “Халқ банки”нинг бутун Ўзбекистон бўйлаб филиалларининг 222 нафар раҳбар ходимига мижозларга мажбурий равишда лотерея чипталарини сотгани учун интизомий жазога тортилган, 91 нафар ходим эса эгаллаб турган лавозимидан озод этилган.

Адлия вазирлиги маълумотларига кўра, айрим ҳолатларда мижозларга банк хизматлари кўрсатиш жараёнида пенсия ва нафақаларга лотерея билетлари қўшиб берилиши ҳолатлари қайд этилган. Бу эса, қонунчиликда қатъийян таъқиқланган.

“Халқ банки” раҳбарияти Адлия вазирлигига ёзган хатида, келажакда юқоридаги ҳолатлар қайтарилмаслиги учун чоралари кўргани ва жараённи доимий назоратга олганини маълум қилган.

Эслатиб ўтамизки, “Халқ банки” томонидан бир неча турдаги лотереялар, жумладан, “Омад лотто” лотереяси ташкил этилади.

Сурат манбаи: https://xb.uz/ru/news?page=7