Ўзбекистондаги Россия элчихонаси ушбу мамлакатга кириш ва чиқишнинг янги қоидаларини ҳақида хабар қилди

Тошкент. 15 март. ЎзТАГ – Россиянинг Ўзбекистондаги элчихонаси мамлакатга чет элликларнинг кириши ва чиқишига доир қонунга киритилган ўзгартишлар ҳақида хабар тарқатди, дея хабар беради Ўзбек телеграф агентлиги (ЎзТАГ).
“Россия Федерациясидан чиқиб кетиш ва Россия Федерациясига кириб келиш тўғрисидаги” Федерал қонунга 12 тагмодда киритилган бўлиб, унга кўра чет эллик ёки фуқаролиги бўлмаган шахсларга агар ушбу шахс РФ бундан илгариги бўлган 180 кунлик муддат чоғида муддатдан жами 90 кундан ошиқ қолган бўлса мамлакатдан чиққанидан кейин уч йилгача қайта киришга рухсат берилмайди. Ушбу меъёр 2014 йилнинг 1 январидан кучга кирди.
Шундай қилиб, агар чет эллик 90 кунлик муддат давомида ишга рухсат, патентни расмийлаштирмаган ёки вақтинчалик яшаш учун рухсатнома олишга ариза бермаган, яъни мамлакатда бўлиш муддатини узайтирмаган бўлса, унда муддат тугаганига қадар у Россиядан чиқиб кетиши лозим ва мамлакатга фақат камида уч ойдан кейингина қайта кириши мумкин.
“Хорижий фуқароларнинг Россия Федерациясидаги ҳуқуқий мақоми тўғрисида”ги Қонун 1 тагмодда билан тўлдирилди. Унга мувофиқ, агар чет эл фуқароси Россияга виза олиш талаб қилинмайдиган тартибда ташриф буюрган бўлса, унинг мамлакатда бўлиш муддати ҳам ҳар 180 кунлик муддат давомида 90 кундан ошиши мумкин эмас (қонунчиликдаги мустасно қилинган ҳолллардан ташқари).
Ушбу ўзгаришлар Россияга 2014 йилнинг 1 январидан бошлаб ташриф буюрган хорижий фуқаролар ва фуқаролиги бўлмаган шахсларга тегишли.