Ўзбекистондаги Samsung телефонлари эгалари оммавий спам-хабарлар олдилар
Дата: 10:47, 13-02-2015.
Тошкент. 13 феврал. ЎзТАГ – Жанубий Кореянинг Samsung компанияси Ўзбекистондаги ушбу ширкат томонидан ишлаб чиқарилган телефонлар эгалари оммавий спам-хабарлар олганликлари ҳақида маълум қилди, дея хабар беради Ўзбек телеграф агентлиги (ЎзТАГ).
“Спам хабарда телефон эгаси Samsung компаниясининг суперютуғи – Galaxy Tab S планшетини ютиб олганлиги айтилади. Ютуқни олиш учун компаниянинг сертификатланган дўконларида маълум кодни кўрсатиш зарурлиги таъкидланади. Юқоридаги мазмундаги хабарларни олган Samsung маҳсулотлари эгаларига ушбу маълумотнинг ҳақиқатга мос эмаслиги ҳақида хабар қиламиз. Шу каби SMSларга эътибор берманг”, – деб таъкидланади компания хабарида.
