Ўзбекистондаги “Ўзсаноатқурилишбанк” ўз номига ўзгартиш киритди

Тошкент. 10 июл. ЎзТАГ – Ўзбекистондаги “Ўзсаноатқурилишбанк” ўз номига ўзгартиш киритди. Эндиликда “Ўзсаноатқурилишбанк” ОАТБ қисқартмасидан “очиқ” сўзи олиб ташланди, дея хабар беради Ўзбек телеграф агентлиги (ЎзТАГ).
Банкдан хабар қилишларича, 2014 йилнинг 1 июлидан бошлаб банкнинг юридик номи “Ўзбек саноат қурилиш банки” Акционерлик тижорат банки - “Ўзсаноатқурилишбанк” АТБ қилиб белгиланди.
Юқоридаги ўзгартишлар “Ўзсаноатқурилишбанк” акционерларининг 13 июнда бўлиб ўтган навбатдан ташқари йиғилишида киритилди. Бу қарор Ўзбекистон “Акционерлик жамиятлари ва акционерларнинг ҳуқуқларини ҳимоя қилиш тўғрисида”ги қонунга киритилган тузатишлар билан боғлиқ.
Йиғилишда шунингдек, банк низомининг янги таҳрири ҳам қабул қилинди ва у кейинчалик Марказий банк томонидан тақдиқланди.