Ўзбекистондан Хитойга янги йўналиш бўйича биринчи автоколонна жўнашга тайёргарлик кўрмоқда
Тошкент. 20 феврал. ЎзТАГ – “Тошкент-Андижон-Ўш-Иркештам-Қошғар” янги транспорт йўналиши бўйлаб биринчи экспорт юки колоннаси жўнашга тайёргарлик кўрмоқда, деб хабар беради Ўзбек телеграф агентлиги (ЎзТАГ).
Ўзбекистон Республикасининг Ташқи савдо вазирлиги тарафидан ташкил этилиб, вазир ўринбосари Соҳиб Саифназаров, шунингдек, Ўзбекистон автомобил ва дарё транспорти агентлиги (ЎзАДТА) вакиллари иштирокида матбуот-брифинги доирасида ана шу мавзуга бағишланди.
Ўзбекистон ва қўшни давлатлар экспортчиларининг маҳсулотлари юкни қабул қилувчиларгача “Silk Road International” МЧЖ автотранспорт воситалари ёрдамида етказилади. Охирги манзил, Кошғар шаҳрига етиб келгандан сўнг, колонна орқага импорт маҳсулотларини юклаган ҳолда йўлга чиқади.
Эслатиб ўтамизки, 2017 йилнинг 30 октябридан 3 ноябригача ушбу “Тошкент - Андижон - Ўш - Иркештам - Қошғар” йўналиши бўйича Ўзбекистон, Қирғизистон ва ХХР автотранспорт воситалари иштирокида синов автопойга ташкил қилинган эди.
Умумий йўл узунлиги 920 километрни бўлган масофа 31 соат давомида босиб ўтилган, шундан 16 соат эса ҳаракатда кечган. Автоколоннанинг ўртача тезлиги 50-60 км/соатига ташкил қилган. “Дўстлик” ўзбек-қирғиз чегарасини босиб ўтиш учун 1,5 соат сарф қилинган, “Иркештам” қирғиз-хитой чегараси эса салкам 2 соат давомида босиб ўтилган.
Қирғизистондаги шаҳар типидаги Сари-Тош посёлкаси ва Иркештам довонидан ўтувчи йўл (даредан 3500 метр баландликда) Ўзбекистоннинг Фарғона водийсидан Хитойгача энг қисқа автомобил йўлидир.
Ташувларни амалга ошириш учун биринчи босқичда 80 та автомобил воситалари жалб қилинади, шу йилнинг охиригача эса уларнинг сони 200 га етади. Келгусида, юк ташиш ҳажмидан келиб чиқиб, жалб қилинувчи автотранспорт воситалари сони ошиб боради.
Келтириб ўтилган тадбирлар шу йилнинг охиригача янги йўналиш бўйича 100 минг тоннага яқин экспорт-импорт юкларини ташишни таъминлаш имконини беради.
Бугунги кунга келиб, келгуси уч ой давомида 27 минг тонна ҳажмдаги ташқи савдо юкини ташиш учун талабнома мавжуд. Бу текстил, чарм ва қишлоқ хўжалиги маҳсулотларидир, шунингдек электротехника саноати, машинасозлик ва бошқа импорт маҳсулотлари.
Соҳиб Саифназаровнинг сўзларига кўра, агар аввал амал қилган коридор бўйлаб юк Ўзбекистондан Хитойгача 8-10 кунда етказиб борилган бўлса, янги йўналишда бу 2 кун вақтни талаб қилади холос. Шу билан бирга зарурат туғилганда шошилинч юк бир сутка давомида ҳам етказилиши мумкин”.
Контейнерлар ва йиғма юкларни ташиш бўйича тарифлар ҳар бир юк партиясини етказиш давомида $300дан $500гача маблағни тежаш имконини беради, бу эса йилига харажатларни $2,5 млнгача қисқартиришга олиб келади ва, шубҳасиз, маҳсулот таннархи ҳамда унинг рақобатбардошлигига ижобий таъсир қилади.
Сурат манбаи: http://www.aircuz.uz/index.php?target=news&page=1&id=177
