Ўзбекистонлик Адҳам Эргашев оғир атлетлар ўртасида Осиё чемпиони бўлди
Дата: 15:19, 17-11-2016.
Тошкент. 17 ноябр. ЎзТАГ – Ўзбекистонлик оғир атлетикачи Адҳам Эргашев Япония пойтахти Токиода ўсмирлар ва ёшлар ўртасида 2016 йилги Осиё чемпионатининг “олтин” медали совриндори бўлди, деб хабар беради Ўзбек телеграф агентлиги (ЎзТАГ).
МОК маълумотларига кўра, турнирнинг биринчи кунида ўзбек оғир атлетикачиси 62 кг вазн тоифасида даст кўтаришда 121 кг ва силтаб кўтаришда 151 кг тош кўтариб, жами 272 кг натижа кўрсатди.
Эслатиб ўтамизки, бир ой олдин Адҳам Эргашев 18 ёшгача бўлган спортчилар орасида жаҳон чемпиони бўлган эди.
