Ўзбекистонлик ҳакам пляж футболи бўйича жаҳон чемпионати ўйинларини олиб боради
Дата: 17:48, 12-05-2015.
Тошкент. 12 май. ЎзТАГ – Ўзбекистонлик ФИФА ҳаками Бахтиёр Номозов пляж футболи бўйича жаҳон чемпионати ҳакамлари рўйхатига кирди, деб хабар қилади Ўзбек телеграф агентлиги (ЎзТАГ).
Футбол федерациясидан хабар қилишларича, Б.Номозов пляж футболи бўйича мамлакатдаги ягона ҳакамдир ва бунга қадар ҳам жаҳон чемпионати ўйинларига хизмат қилган. 2013 йилда у Таитида ўтган мундиалнинг етти ўйинини бошқарган.
Бундан ташқари, ўзбек ҳаками қитъалараро ўйинлар, шунингдек, бир неча Осиё чемпионатлари ўйинларини бошқарган.
Маълумот ўрнида, пляж футболи бўйича жаҳон чемпионати 2015 йилнинг 9-19 июл кунлари Португалияда бўлиб ўтади.
