Ўзбекистонлик ҳалол таксичи кировликка йирик миқдорда пули бўлган ҳамёнини қайтариб берди

Тошкент. 19 июн. ЎзТАГ – Ўзбекистонлик ҳалол таксичи кировлик Павел Шапкинга у Москвада 17 июнда такси машинасида унутиб қолдирган йирик миқдорда пули бўлган ҳамёнини қайтариб берди, деб хабар беради Ўзбек телеграф агентлиги (ЎзТАГ).

“Бугун ҳамёнимни йўқотиб қўйдим. Унда 200 минг рубль нақд пул ва анча пули бўлган ҳамма карталарим бор эди. Унинг қаерда тушганлигини тасаввур ҳам қилолганим йўқ”, - деб ёзади П.Шапкин ижтимоий тармоқдарда.

Шу куни Павелнинг Киров поездига чипталари ҳам бор эди.

Унинг сўзларига кўра, поездга бир неча соат қолганда қўнғироқ жаранглаган.

“Тасаввур қиласизми, ўзбекистонлик оддий йигитча ҳамёнимни топиб олгани ва барча топган нарсаларини тўлиғича қайтармоқчи эканлигини, чунки ота онаси уни шунда тарбиялаганини хабар қилди. Мен чин кўнгилдан ҳайратга тушдим. Бу пуллар унга қанчалик асқотишини тасаввур қила оласизми? Оиласи, ва ёш хотини учун. Лекин у мени излаб топиб, ҳаммасини қайтарди. Нима дейишимни билмайман”, - деб ёзади кировлик.

Павел ёнида бунча катта нақд пулни камдан кам олиб юришини айтиб ўтди. Павелнинг сўзларига кўра, у ҳалол таксичини рози қилган, лекин буни қандай амалга оширганини аниқлаштирмаган. Шунингдек, Павел воқеа қахрамони билан эсдаликка суратга ҳам тушган.