Ўзбекистонлик бодибилдинг бўйича Марказий Осиёнинг мутлақ чемпиони бўлди
Дата: 10:57, 21-05-2014.
Тошкент. 21 май. ЎзТАГ – Қозоғистонда бодибилдинг ва фитнес бўйича Марказий Осиё чемпионати бўлиб ўтди, дея хабар беради Ўзбек телеграф агентлиги (ЎзТАГ).
Мусобақада Ўзбекистон вакиллари тўртта совринни олишга муваффақ бўлдилар. 85 кггача бўлган вазнда Суннат Зуфаров биринчи бўлди. 90 кггача вазн тоифасида Павел Умурзаков “олтин”ни олди, Антон Перов эса 100 кггача вазн тоифасида ғалаба қозонди.
“Турнир якунлари бўйича мамлакат терма жамоасининг тренери ва турли мусобақаларнинг амалдаги иштирокчиси Антон Перов турнирнинг мутлақ чемпиони бўлди”, - деб таъкидлашди Ўзбекистон бодибилдинг ва фитнес федерациясида.
