Ўзбекистонлик боксчи Руслан Чагаев профессиональ фаолиятини якунлади

Тошкент. 17 октябр. ЎзТАГ – Ўзбекистонлик боксчи Руслан Чагаев профессиональ фаолиятини якунлади, деб хабар беради Ўзбек телеграф агентлиги (ЎзТАГ).

Яқинда Россия ОАВ боксчининг собиқ бошқарувчиси Тимур Дугазаевга асосланиб берган хабарларига кўра, Чагаев катта спортни соғлиги билан боғлиқ муаммолар туфайли тарк этишга қарор қилган.

 “Руслан профессиональ фаолиятини кўзи билан боғлиқ муаммолар туфайли якунлади. Биз унинг учун яхши якуний жанг, масалан, Браун билан реванш жанги ташкил этишимиз мумкин эди. Лекин у профессиональ фаолиятини якунлашни маъқул топди. Чунки соғлиқ бундан муҳимроқ”, - деди Дугазаев.

Эслатиб ўтамизки, бундан олдинроқ Бутунжаҳон бокс ассоциацияси (WBA) Чагаевга жаҳон чемпиони мақомини қайтариб берган, ушбу белбоғнинг собиқ эгаси австралиялик Лукас Браун допинг учун ярим йилга боксдан четлаштирилган эди. Чагаев ва Браун март бошида Грознийда учрашган эдилар. WBA бўйича жаҳон чемпионлиги учун жангда австралиялик рақибини техник нокаут билан енгган эди. Кейингчалик Брауннинг допинг олганлиги маълум бўлди.

 Россияда Чагаев Николай Валуевни енггани ва Александр Поветкиндан енгилгани орқали машҳур. У профессиональ рингда ўтказган 38 жангдан 34 ғалаба қозонган (21 нокаут), 3 марта мағлубиятга учраган, бир жанг дуранг билан якунланган.