Ўзбекистонлик боксчи Шаҳрам Ғиёсов Олимпиаданинг “кумуш”ини қўлга киритди

Тошкент. 18 август. ЎзТАГ – Ўзбекистонлик боксчи Шаҳрам Ғиёсов 67 кглик вазн тоифасида Бразилиядаги Олимпиаданинг “кумуш”ини қўлга киритди, деб хабар беради Ўзбек телеграф агентлиги (ЎзТАГ).

“Ўзбек спортчиси финал жангда Қозоғистон вакили Данияр Елеусинов билан беллашди. Ғиёсов бутун жанг давомида етакчилик қилди, хужумкор бокс кўрсатди, унинг рақиби яхши мудофа намойиш қилиб, муносиб жавоб зарбалари қайтарди. Уч раунд якунлари бўйича ғалаба қозоғистонлик боксчига берилди – 3:0 (29:28, 29:28, 29:28)”, – деб хабар беришди Миллий олимпиа қўмитасида.

Эслатиб ўтамизки, финал йўлида ўзбек боксчиси Европа чемпиони Эймантас Станенис (Литва), олимпиа чемпиони Роньеля Иглесиас (Куба) ва жаҳон чемпиони  Муҳаммад Рабиийларни (Марокаш) енгиб ўтди.

Бугунда ўзбек термаси ҳисобида 7 соврин бор: икки “олтин”, бир “кумуш” ва тўрт “бронза”.