Ўзбекистонлик боксчилар Анападаги турнирда икки медални қўлга киритдилар
Дата: 12:12, 18-03-2016.
Тошкент. 18 март. ЎзТАГ – Ўзбекистонлик боксчилар Анапада бўлиб ўтган IX анъанавий бокс турнирининг олтин ва кумуш медалларини қўлга киритдилар, деб хабар беради Ўзбек телеграф агентлиги (ЎзТАГ).
“49 килограммгача бўлган вазн тоифасида олтин медални Отабек Холматов қўлга киритди. 60 килограммгача вазн тоифасида эса Билол Мирзараҳимов кумуш медални ишлаб олди. Айни пайтнинг ўзида у турнирнинг энг яхши боксчиси деб тан олинди”, - деб таъкидлашди Бокс федерациясида.
Турнирда Ўзбекистон, Россия, Куба, Арманистон, Австралия, Швеция, Ирландия, Шотландия, Финляндия, Франция, Грузия, Латвия, Эстония, Украина, Сербия, Қозоғистон, Қирғизистон вакиллари бўлган жами 150 боксчи иштирок этди.
