Ўзбекистонлик енгил атлектикачи Осиё чемпиони бўлди
Тошкент. 24 апрель. ЎзТАГ – Ўзбекистонлик енгил атлетикачи Екатерина Воронина Осиё чемпиони бўлди, деб хабар беради Ўзбек телеграф агентлиги (ЎзТАГ)
“Шу кунларда Дохада ўтказилаётган кўпкурашга ихтисослашган ўзбекистонлик енгил атлетикачи Екатерина Воронина Осиё чемпиони бўлди”, - дейилади Миллий олимпия қўмитаси матбуот хизмати хабарида.
Спортнинг етти турида 6198 очко натижа билан Воронина қитъалараро мусобақада биринчи ўринни эгаллаганлиги қайд этилади. Иккинчи ўринда 5993 очко билан ҳиндистонлик вакила Свапна Барман, хитойлик спортчи Ван Цинлинь 5829 очко билан учинчи ўринни эгаллади.
Матбуот хизматининг эслатишича, Осиё чемпионатида илгари олтин медални Руслан Қурбонов учталик сакрашда қўлга киритган эди.
Сурат манбаи: olympic.uz
