Ўзбекистонлик енгил атлеткачи қиз Франциядаги турнирда кумуш медални қўлга киритди
Дата: 15:47, 11-02-2016.
Тошкент. 11 феврал. ЎзТАГ – Енгил атлетка бўйича Ўзбекистон термаси аъзоси Надия Дўсанова Обонн шаҳридаги (Франция) Meeting Elite en salle d'Eaubonne-2016 халқаро турнирининг кумуш медали совриндори бўлди, деб хабар беради Ўзбек телеграф агентлиги (ЎзТАГ).
Ўзбекистон Енгил атлетика федерациясидан хабар қилишларича, Дўсанова 187 см натижа билан баландликка сакрашда иккинчи ўринни эгаллади.
Эслатиб ўтамизки, 19 ёшли ўзбекистонлик енгил атлеткачи қиз Надия Дўсанова (баландликка сакрашда) халқаро тоифадаги спорт устасидир.
