Ўзбекистонлик ФИФА инструктори Севильядаги ўқув семинарида иштирок этади
Дата: 16:50, 15-01-2016.
Тошкент. 15 январ. ЎзТАГ – Ҳакамлар тайёрлаш бўйича ўзбекистонлик ФИФА инструктори Фарҳод Абдуллаев 16-19 февралда испаниянинг Севилья шаҳридаги ўқув семинарида иштирок этади, деб хабар беради Ўзбек телеграф агентлиги (ЎзТАГ).
Ўзбекистон Футбол федерациясидан маълум қилишларича, барча Конфедерацияларнинг инструкторлари семинарга таклиф олганлар.
Севильядаги тадбирда қатнашиш учун Осиё футбол конфедерациясининг жами 11 вакили келади.
Эслатиб ўтамизки, ҳозирда Ф.Абдуллаев Қатарда бўлиб, бу ерда 23 ёшгача футболчилар орасида Осиё чемпионати бўлиб ўтмоқда. У бу ерда турнирнинг асосий инструкторларидан биридир.
