Ўзбекистонлик гимнастикачи қиз Хьюстондаги турнирда икки медални қўлга киритди
Дата: 20:47, 10-02-2016.
Тошкент. 10 феврал. ЎзТАГ – Ўзбекистоник гимнастикачи қиз Оксана Чусовитина Хьюстондаги NATIONAL-2016 турнирида икки медални қўлга киритди, деб хабар беради Ўзбек телеграф агентлиги (ЎзТАГ).
Ўзбекистон Миллий Олимпиа қўмитасидан хабар беришларича, Чусовитина таяниб сакрашда олтин, кўпкурашда кумуш медалларни қўлга киритди.
Шунингдек, тажрибали гимнастикачи Бокудаги Жаҳон Кубогида, 15 апрелда Рио 2016 Олимпиадасига йўлланмалар ўйналадиган мусобақада қатнашади.
Эслатиб ўтамизки, Оксана Чусовитина икки марта жаҳон чемпиони, олимпиа чемпиони, кўплаб қитъа мусобақаларининг ғолибасидир.
