Ўзбекистонлик гимнастикачи Оксана Чусовитина Зика вирусидан қўрқмайди ва ўзининг еттинчи Олимпиадасига бормоқда

Тошкент. 12 июл. ЎзТАГ – Ўзбекистонлик гимнастикачи Оксана Чусовитина Зика вирусидан қўрқмайди ва ўзининг Риодаги еттинчи Олимпиадасига бормоқда, деб хабар беради Ўзбек телеграф агентлиги (ЎзТАГ).

Олимларнинг фикрига кўра, кўпчилик спортчиларни Бразилияга боришдан вос кечдирган Зика вируси хомиладор аёлларда бола ривожида турли номутаносибликлар пайдо қилади.

“Мен подиум ва медаллар ҳақида гапиришни истамайман, ҳозирда Ўйинларга максимал тайёргарлик билан соғлом етиб бориш муҳим. Мен Бразилияга ҳомиладор бўлиш учун бораётганим йўқ”, - деб иқтибос келтиради Чусовитинанинг сўзларидан Associated Press.

Маълумот ўрнида, 41-ёшли Оксана Чусовитина – собиқ ССРИ термаси таркибида икки марта жаҳон чемпиони бўлган. У гимнастика тарихидаги 6 ёзги Олимпиадаларда қатнашган ягона спортчидир. Бу йилги Ўйинлар унинг учун еттинчиси бўлади.