Ўзбекистонлик икки спортчи Душанбедаги халқаро мусобақа совриндори бўлди

Тошкент. 23 апрель. ЎзТАГ – Душанбеда Бешинчи анъанавий хақаро яриммарафон ўтказилди, дея хабар беради Ўзбек телеграф агентлиги (ЎзТАГ).
“Аёллар ўртасидаги мусобақада финишга биринчи бўлиб Термизлик Ситора Хамидова етиб келди ва 1 соат 16 минут 33 секунд натижа кўрсатди. Ўзбекистонлик спортчи россиялик жаҳон чемпиони ва Европа вице чемпиони Юлия Чиженкодан 19 секунд илгари етиб келди ва Россиялик яна бир кучли югурувчи Екатерина Фатеевадан бир минут ўзди”, - деб таъкидлашди Ўзбекистон Енгил атлетика федерациясида.
Эркаклар ўртасидаги мусобақаларда киевлик Роман Романенко биринчи бўлди. Унинг натижаси 1 соат 6 минут 12 секунд. Бекободлик Андрей Петров унга бир секунд ютқазиб иккинчи бўлди. Финишда ўзбек спортчиси Россия ва Кениялик югуриш усталарини ортда қолдирди.