Ўзбекистонлик хакамлар ОФК-2014 Президенти кубоги финал турнирига хизмат кўрсатадилар
Дата: 18:22, 08-07-2014.
Тошкент. 8 июл. ЎзТАГ – ФИФА ҳаками Ильгиз Танташев, шунингдек, ФИФА қанот ҳаками Руслан Серазетдинов 2014 йилги Осиё футбол конфедерациясининг (ОФК) Президенти кубоги финал турнирига хизмат кўрсатадилар. Ушбу турнир 22 - 26 сентябр кунлари Шри-Ланка пойтахти Коломбо шаҳрида бўлиб ўтади, деб хабар беради uz24.uz нашри.
Қайд этиб ўтиш керакки, ОФК Кубоги финал турнирида “Шайх Рассел” (Бангладеш), “Шри-Ланка Эир” (Шри-Ланка), “НТТУ Ашхабад” (Туркманистон), “Рименгсу” (КХДР), “Мананг” (Непал) ва “Ерчим” (Монголия) клублари иштирок этидилар.
Финал босқичининг барча 6 қатнашчиси ўз йўлланмаларини ОФК-2015 Кубогининг саралаш ўйинларига олганлар.
