Ўзбекистонлик кураш тренерлари халқаро курслардан ўтмоқдалар

Тошкент. 25 апрел. ЎзТАГ – 25 апрелдан бошлаб бутун Ўзбекистондан келган эркин ва юнон-рум кураши тренерлари “Олимпия бирдамлиги” дастури асосида ўтказилаётган семинарда малакаларини оширмоқдалар, деб хабар беради Ўзбек телеграф агентлиги (ЎзТАГ).

Ўқувни Бирлашган спорт курашлари уюшмаси (UWW), Ўзбекистон Спорт курашлари уюшмаси ва мамлакат Миллий олимпиа қўмитаси ташкил этган.

Ўзбекистон Спорт курашлари уюшмасидан хабар беришларича, курслар 29 апрелга қадар пойтахтдаги “Динамо” клуби базасида бўлиб ўтади. Амалий ва назарий машғулотларга Бирлашган спорт курашлари уюшмасининг етакчи мутахассислари Андрей Воронцов (Россия) ва Георгий Квиникадзе (Грузия) раҳбарлик қиладилар.

Ўқиш тугалланганидан сўнг имтиҳонлар ўтказилади. Ушбу ўқув дастури бир неча босқичларга бўлинган (бирдан учгача). Тошкентда биринчи даража бўйича ўқув кетмоқда.

Шу каби ўқув дастурларининг ўтказилиши яқин орада ўз билимларини бошқа мураббийларга бериши мумкин малакали тренерлар сонининг ошишини кўзда тутади. Машғулотлар интерактив шаклда олиб борилади. Бу орқали UWWлик устозлар ўқувчиларнинг амалий уқувларига тезда баҳо бериш имкониятига эга бўладилар.

UWW тренерлик кадрларини тайёрлаш услуби Халқаро спорт тренерлиги таркиби (The International Sport Coaching Framework) томонидан ишлаб чиқилган.