Ўзбекистонлик москванинг Внуково аэропортида салонда чекканлик учун рейсдан тушириб юборилди
Дата: 20:30, 01-07-2016.
Тошкент. 1 июл. ЎзТАГ – Полиция бир йўловчини москванинг Внуково аэропортида салонда чекканлик учун Москва-Самарқанд рейсидан тушириб юборди, деб хабар беради ТАСС.
“Бугун соат маҳаллий вақт билан 08.05да самолёт экипажи командири учишга тайёргарлик чоғида полицияга лайнер бортида чекиб юборган ва бортпроводникларнинг танбеҳларига эътибор бермаган йўловчи ҳақида хабар қилди. Воқеа жойига етиб келган полиция наряди ҳуқуқбузарни қўлга олди. У 1985 йилда туғилган Ўзбекистон фуқароси бўлиб чиқди”, - деб хабар қилишди агентликка РФ ИИВ Марказий Федераль округ бўйича Транспорт бошқармаси матбуот хизматида.
Эркак полиция бўлимига текшириш ва маъмурий қоидабузарлик ҳақида протокол тузиш учун келтирилган, деб таъкидлашди бошқармада.
