Ўзбекистонлик мутахассислар Латвияда сил касаллигини даволаш бўйича тренингдан ўтдилар

Тошкент. 1 декабр. ЎзТАГ – Сил бўйича ўзбекистонлик саккиз мутахассислар Латвияда USAID кўмаги билан ташкил этилган тўққиз кунлик тренингда иштирок этдилар, деб хабар беради Ўзбек телеграф агентлиги (ЎзТАГ).

Семинарда Тошкентда жойлашган Республика фтизиатрия ва пулмонология ихтисослаштирилган илмий-амалий тиббиёт маркази экспертлари, Бухоро, Қашқадарё, Навоий ва Хоразм вилоятларининг янги тайинланган ҳудудий сил диспансерлари бош шифокорлари қатнашдилар.

Тренинг USAIDнинг мамлакат Соғлиқни сақлаш вазирлиги билан ҳамкорликдаги Ўзбекистонда силга қарши кураш дастури доирасида бўлиб ўтди.

Унинг иштирокчилари “Жаҳон соғлиқни сақлаш ташкилотининг мультирезистент сил масалалари бўйича тадқиқот ва ўқитиш ҳамкорлик маркази”га ташриф буюрдилар.
Дастур маълумотларига кўра, экспертлар БССТнинг силни амбулатор даволаш, унинг дорига чидамли шакллари ва беморга йўналтирилган тиббий хизматлар соҳасидаги янги ёндашувларни ўргандилар.

Эслатиб ўтамизки, БССТ маълумотига кўра ҳар йили сил бутун дунёда 1,7 млн кишининг ҳаётига зомин бўлади.

USAID Ўзбекистон ҳукуматининг сил билан кураш бўйича ҳаракатларини қиймати $7,6 млнлик беш йиллик дастур ёрдамида қўллаб-қувватлайди.

USAID – АҚШнинг Халқаро тараққиёт агентлигидир.