Ўзбекистонлик Наргиз Зокирова Россияда “Йил хонандаси” мукофотига номзодликка қўйилди
Дата: 16:36, 23-09-2015.
Тошкент. 23 сентябр. ЎзТАГ – Ўзбекистонлик Наргиз Зокирова Россияда “MUSICBOX 2015 реал мукофоти”нинг “Йил хонандаси” йўналишида йилнинг энг яхши хонанда аёли номи учун номзодликка қўйилди, деб хабар беради Ўзбек телеграф агентлиги (ЎзТАГ).
“MUSICBOX 2015 реал мукофоти”нинг сайтидаги маълумотга кўра, ушбу йўналишда Наргизнинг рақибалари орасида Полина Гагарина, Нюша, Ани Лорак ва Славалар бор.
“Йил хонандаси” номинациясида эса Егор Крид, Сергей Лазарев, Дима Билан, Стас Пьеха ва Emin рақобатлашмоқдалар. “Йил гуруҳи” номинациясида Serebro, “Пицца”, Iowa, Quest pistols show ва A-Studio беллашади.
Шунингдек, конкурсда “Йил DJ”, “Йилнинг рок гугуҳи”, “Йил хип-хопи”, “Йил қўшиғи”, “Йил видеоклипи” ва бошқа номинациялар мавжуд.
