Ўзбекистонлик оғир атлетикачи Дубайда 116 кглик штангани кўтариб, паралимпиадачилар орасида янги жаҳон рекордини ўрнатди
Дата: 12:23, 09-04-2014.
Тошкент. 9 апрель. ЎзТАГ – Паралимпиадачилар орасида паурлифтинг бўйича БААнинг Дубай шаҳрида давом этаётган жаҳон чемпионатида ўзбекистонлик оғир атлетикачи Фарҳод Умирзоқов 72 кглик вазн тоифасида 116 кглик натижа билан янги жаҳон рекордини ўрнатди, дея хабар беради Ўзбек телеграф агентлиги (ЎзТАГ).
Паралимпиада ҳаракати расмий сайтининг маълумотларига кўра, ўзбек спортчиси Жанубий Кореянинг Инчеон шаҳрида 18-24 октябрь кунлари бўлиб ўтиши кутилаётган Паросиё ўйинларига йўлланма олди.
Бундан икки кун илгари яна бир ўзбекистонлик спортчи - Искандар Турсунбоев 59 кггача бўлган вазн тоифасида кумуш медални қўлга кирититган ҳолда Паросиё ўйинлари иштирокчисига айланди.
