Ўзбекистонлик оғир атлетикачи Осиё чемпионатининг совриндори бўлди
Дата: 15:24, 27-04-2016.
Тошкент. 27 апрел. ЎзТАГ – Ўзбекистонлик оғир атлетикачи Адхам Эргашев Тошкентда бўлиб ўтаётган 2016 йилги Осиё чемпионати иккинчи кунида бронза медал совриндори бўлди, деб хабар беради Ўзбек телеграф агентлиги (ЎзТАГ).
Оғир атлетика федерациясидан маълум қилишларича, Эргашев совринни 62 кг вазн тоифасида қўлга киритди. Ўзбекистонлик спортчи ушбу тоифада 125 кг тошни кўтарди.
Аёлларга келсак, Марина Сысоева 193 кг натижа (силтаб кўтаришда 88 кг, даст кўтаришда 105 кг) билан еттинчи ўринни эгаллади.
Эслатиб ўтамизки, оғир атлетика бўйича Осиё чемпионати Тошкентдаги “Ўзбекистон” спорт мажмуида 24 апрелдан бери ўтказилмоқда.
