Ўзбекистонлик Равшан Эрматов дунёнинг энг яхши ҳакамлари рўйхатига кирди
Дата: 11:56, 07-01-2015.
Тошкент. 7 январ. ЎзТАГ – Футбол тарихи ва статистикаси халқаро федерацияси дунёнинг ўтган йилдаги энг яхши 10 ҳакамлари рейтингини эълон қилди, дея хабар беради Ўзбек телеграф агентлиги (ЎзТАГ).
“Энг яхши ҳакамларни танлашда жаҳоннинг 55 мамлакатига мансуб экспертлар қатнашдилар. Ўзбекистонлик ҳакам Равшан Эрматов дунёнинг энг яхши ҳакамлари рейтингида 37 балл тўплаб бешинчи ўринни эгаллади. Биринчи ўринни эса 131 балл тўплаган италиялик ҳакам Никола Рицолли эгаллади”, – деб таъкидланади Футбол тарихи ва статистикаси халқаро федерацияси хабарида.
Эслатиб ўтамизки, 2013 йил якунлари бўйича Эрматов мазкур рейтингда 29 очко жамғариб, 8-ўринни эгаллаган эди.
