Ўзбекистонлик Россияда нотаниш қизни ҳаёти эвазига дайди итлар тўдасидан қутқариб қолди
Тошкент. 13 март. ЎзТАГ – Россиянинг Истра шаҳар округи Курсаково поселкасида яшовчи ўзбекистонлик 19 ёшли Олег Шушунов нотаниш қизни ҳаёти эвазига дайди итлар тўдасидан қутқариб қолди, деб хабар беради Ўзбек телеграф агентлиги (ЎзТАГ).
“Тўққизта оч ит йигитни ўлар ҳолатгача талаб ташлаган. Қўрқмас бола итлар тўдасини қурқитишга уринган бўлган”, - дейилади “Московский комсомолец” газетасидаги мақолада.
“МК”га маълум бўлишича, воқеа Железнодорожная кўчасидаги уй ёнида содир бўлган. “26 ёшли Кристина тунда дугонасининг уйидан қайтаётган бўлган. Тўсатдан унинг йўлини бир неча кучуклар тўсади. Аёл юришини тезлатмоқчи бўлади, лекин итлардан бири унга ташланиб ерга йиқитади, қолганлари ҳам унга ташланади. Яна бироз вақтдан кейин ҳайвонлар уни бурда-бурда қилиб ташлашарди, шу пайт бир йигит таёқ билан итларга ташланади. У итларни чалғитиб, четга олади, лекин кучлар тенг эмас эди. Қўшнилари ёрдамга етиб келгунча итлар Олегни парчалаб ташлашди”, - дейилади хабарда.
Хабарга кўра, Олег Шушуновнинг оиласи 4 йил муқаддам Ўзбекистондан Россияга кўчиб келган. Танишларининг айтишича, Олег ёшлигидан қизларга нисбатан ҳақиқий джентльменлардай муносабатда бўлган.
Олег Истринский туманига келиб, мактабни якунлайди ва квартираларни таъмирлаш бўйича ширкатга ишга киради. Кейин бир қиз билан танишиб, у билан оила қуришга қарор қилади. Бир неча ойдан кейин уларнинг фарзанди дунёга келиши керак эди. Шу билан бирга Олегнинг оиласи ҳуқуқ-тарғибот органларига дайди итларнинг хужуми ҳақида бир неча марта мурожаат қилгани маълум бўлди. Ўтган йили итлар унинг укасини, олдинроқ онасини тишлаб олган. Шунга қарамасдан Олег уларга яхши муносабатда бўлган ва у-бу нарса бериб турган.
Сурат манбаи: https://ca-news.org/news:1436365
