Ўзбекистонлик спортчи Екатерина Хилько Риодан сўнг катта спортдан кетмоқчи

Тошкент. 5 март. ЎзТАГ – Ўзбекистон термаси етакчиси, Олимпиа ўйинларининг бронза совриндори Екатерина Хилько Рио-де Жанейро-2016 олимпиа ўйинларидан кейин катта спортдаги иштирокини якунлаш ниятида, деб хабар беради Ўзбек телеграф агентлиги (ЎзТАГ).

Ўзбекистон МОҚ хабар қилишларича, Риодаги Олимпиадада Ўзбекистондан батутда сакраш бўйича икки спортчи қатнашади.

“Режалар ҳақида гапирадиган бўлсак, Риодаги Олимпиадага боришни орзу қиламан. Шундан кейин катта спортдаги иштирокимни якунлашни режалаштирганман. Оилам билан шуғулланаман”, - деди Екатерина Хилько.

“Ўтган йилги Даниядаги батутда сакраш бўйича чемпионатда ўнинчи ўринни олганим учун Олимпиадага тўғридан тўғри йўлланма ола олмадим. Бундан ташқари, ўзбекистонлик яна бир гимнастикачи апрелдаги синов турнирида иштирок этади”, - деди у.

Хильконинг фикрига кўра, унинг энг катта ютуғи – Пекиндаги Олимпиада ўйинларидаги бронза медалидир.

“Бу менинг учун кутилмаган бўлган, лекин иккинчи томондан, буни кутса бўлар эди. Ўйлайманки, олимпиа медали ҳар қандай спортчи учун энг катта ютуқдир. Илк дақиқаларда нима бўлаётганини тушунмай ҳам қоласан”, - деб хулоса қилди Хилько.