Ўзбекистонлик спортчи қиз байдаркада эшкак эшиш бўйича Осиё чемпионатининг “олтин”ини қўлга киритди
Дата: 16:03, 11-11-2015.
Тошкент. 11 ноябр. ЎзТАГ – Ўзбекистон термасининг аъзоси Ольга Умаралиева 200 метрга байдарка ва каноэда эшкак эшиш бўйича Осиё чемпионатининг “олтин”ини қўлга киритди. Ушбу биринчилик Палембанг шаҳрида (Индонезия) бўлиб ўтмоқда, деб хабар беради Ўзбек телеграф агентлиги (ЎзТАГ).
Миллий олимпиа қўмитаси сайтидаги маълумотга кўра, ўзбекистонлик спортчи қиз Рио-де-Жанейродаги Олимпиа ўйинлари меъёрини бажарган.
“Бунга қадар олимпиа меъёри байдарка ва каноэда эшкак эшиш бўйича Ўзбекистон термасининг Алексей Мочалов, Герасим Кочнев, Вадим Меньков ва Серик Мирбеков каби аъзолари томонидан бажарилган эди”, - дейилади МОҚ хабарида.
