Ўзбекистонлик спортчи қиз классик пауэрлифтинг бўйича жаҳон чемпионатида “кумуш”ни олди
Дата: 22:32, 09-06-2014.
Тошкент. 9 июн. ЎзТАГ – Жанубий Африка Республикасида классик пауэрлифтинг бўйича 2014 йилги жаҳон чемпионати якунига етди, дея хабар беради Ўзбек телеграф агентлиги (ЎзТАГ).
“19 ёшли Ўзбекистон вакиласи Алеся Лишинская оғирлик вазни 72 кггача бўлган спортчилар мусобақасида 357,5 кг натижа билан ёшлар орасида “кумуш” медални олди. Унинг учун мазкур медаль халқаро мусобақаларда қўлга киритилган илк медал бўлди”, - деб таъкидлашди Ўзбекистон Миллий олимпиа қўмитаси матбуот хизматида.
Биринчи ўринни 410 кг натижа кўрсатган 23-ёшли Микелина Билэйнэ, учинчи ўринни эса америкалик Рэйчел Эллеринг 345 кглик натижа билан қўлга киритди.
