Ўзбекистонлик спортчи қиз Осиё чемпионатининг иккинчи олтин медалини қўлга киритди
Дата: 13:34, 05-06-2015.
Тошкент. 5 июн. ЎзТАГ – Енгил атлетика бўйича Ўзбекистон терма жамоаси вакили Екатерина Воронина шу кунларда хитойнинг Ухан шаҳрида бўлиб ўтаётган Осиё чемпионатининг иккинчи кунида еттикурашда олтин медални қўлга киритди, деб хабар беради Ўзбек телеграф агентлиги (ЎзТАГ).
“Воронина жами 5689 очко йиғди. Мусобақаларнинг ушбу турида иккинчи ва учинчи ўринларни ҳиндистонлик Жосефе Ликси (5554) ва Хембрам Пурнимелар (5511) қўлга киритдилар”, – деб таъкидлашди Енгил атлетика федерацияси матбуот хизматида.
Шундай қилиб, мусобақаларнинг икки кунидан кейин Ўзбекистон терма жамоаси ҳисобида иккита олтин медал бор. Кеча хабар қилганимиз каби, чемпионатнинг биринчи кунида Светлана Радзивил баландликка сакрашда ғалаба қозонган эди.
