Ўзбекистонлик теннисчи Денис Истомин Барселонадаги АТР турнирида йил бошидан бери 12-мағлубиятга учради
Тошкент. 20 апрел. ЎзТАГ – Кеча Ўзбекистоннинг биринчи ракеткаси Денис Истомин Барселонадаги (Испания) АТР турнирининг илк раундида йил бошидан бери 12-мағлубиятга учради, деб хабар беради Ўзбек телеграф агентлиги (ЎзТАГ).
Бу сафар у 5:7, 5:7 ҳисобида дунёнинг 49-ракеткаси испан Пабло Карренодан енгилди.
Бу испаннинг Денис устидан қозонган иккинчи ғалабаси. Бундан олдин улар Марракешдаги турнирда ҳам учрашишган эди. Ўшанда Пабло икки сетда (6:3, 7:6) рақибини енгган эди. Таъкидлаш зарурки, Истомин тупроқли кортларда яхши ўйин кўрсатмайди.
Биринчи раундни ўтказиб юборган мусобақа етакчилари – жаҳоннинг 5- ва 6- ракеткалари испан Рафаэль Надаль ва япон Кэй Нисикоридан иккинчи босқичда дунёнинг 50-ракеткаси испан Марсель Гранольерс ва жаҳоннинг 102-ракеткаси голланд Тьемо де Баккерларга қарши майдонга тушадилар.
Эслатиб ўтамизки, граф Годо соврини (исп. TrofeoCondedeGodó) – Барселонада ўтказиладиган эркаклар профессионал халқаро теннис турниридир. У ҳар баҳорда Real Club de Tenis Barcelona мажмуининг очиқ тупроқли корларида ўтказилади. 2009 йилдан бери турнир ATP 500 сериясига киради. Унинг соврин жамғармаси 1,9 млн евро бўлиб, мусобақаларда яккаликда 48 иштирокчи ва 24 жуфтлик иштирок этади.
